• slider image 310
  • slider image 313
:::

母語日教學

黃月春 - 母語日教學 | 2018-10-21 | 人氣:525
心茫茫 詞:陳達儒 曲:吳成家 半暝月照啊玻璃窗,窗外鳥影啊像彼人, 搖來搖去啊相戲弄,害阮搭嚇啊心茫茫。 趕緊將著啊針線放,踗腳節步啊出空房, 不敢出聲啊開震動,探頭窗外啊心茫茫。 窗外更深啊露水重,陣陣晚風啊吹花欉, 看無君影啊戇戇望,透暝思君啊心茫茫。
黃月春 - 母語日教學 | 2018-04-01 | 人氣:521
  農村酒歌 仙會合見面三杯酒,少年面紅老的在燃嘴鬚, 一個姑娘真正優秀,環來穿去是欲阮怎樣。 毋通害兄頭暉打丁目珠,人阮是出來,納涼我清幽, 歹運碰著你,這些夭壽,僥倖欲死食彼多酒,勿生氣啦,請飲一杯酒, 阮無要啦,你若返去,就去撞大樹,有酒通飲攏總勿記得憂愁。
黃月春 - 母語日教學 | 2017-12-15 | 人氣:441
接著批 你,一隻鳥仔 飛來這郵票裡 你停跤佇這批籠頂 真是奇妙的代誌 跋山過海的你 確實有比阮較讚 這回是毋是阮好友 拜託你來轉達話予阮 叫阮就較早轉去 你介成有啼叫一聲 喔,干焦我有聽著
黃月春 - 母語日教學 | 2017-12-03 | 人氣:508
都馬調 兩人愛意在心內,咱哥在東,妹啊在西,阿娘若無嫌啊, 我袂作胡蠅,做蚊啊,阮嘛要飛過來。 六月棉被收去,囥相好阿哥去佇外莊,英暗袂得阿君妳來返, 夭壽這個五更那會這呢長。 半暝月娘照入紗窗,為何偏偏來照我守空房,阮關窗將月緊緊送, 送去隔壁通好照別人。
黃月春 - 母語日教學 | 2017-11-25 | 人氣:533
落葉仔 滿地的黃葉仔 是冬天直欲來的前奏 沿路訪問著伊 沉醉佇有聲閣有影裡 彼日等待冰雪若轉去 伊猶會倒轉去樹椏頂
黃月春 - 母語日教學 | 2017-11-18 | 人氣:604
哭調仔 想著歹命啊~淚哀哀~ 瞑日怨嘆無人知~唉呦喂~ 今世就無咿作歹代~ 莫非前世作得來~唉呦喂~ 前世作得來~心肝皇天喂 我是毋願啊開聲號~ 號卡有天無日頭~唉呦喂~ 找毋麵線咿通吊脰~唉呦喂~ 找無豆腐通磕頭~唉呦喂~ 豆腐通磕頭~心肝皇天喂~  
黃月春 - 母語日教學 | 2017-11-11 | 人氣:933
一的炒米香   一的炒米香 二的炒韭菜 三的搶搶滾、四的炒米粉 五的五將軍 六的六子孫 七的蚵仔煑麵線,八的講伊要分一半 九的九嬸婆,十的撞大鑼  
黃月春 - 母語日教學 | 2017-11-05 | 人氣:563
題畫 共你斟酌看起來 親像阮的祖先 亦親像阮阿公 閣介成阮阿爸 我想將來有一工 可能亦會親像你 誰敢講毋相信 閣天公就會講:「當然」 抑若阮的囝孫 佮你閣較無熟似 若認毋著講你是印第安 佇咱這个大地之上 捌有過你的跤跡 風絲仔裡的聲音 留著對你的歌頌 你恬靜咧看阮 阮看你是如看家己 無半滴目屎佇咧 歲月中風霜的面容 無論是到佗位 阮攏共你記會牢 亦會想起著你 親像你這馬的注目 阮一直相對面頭前 一條千辛萬苦的路 阮猶原接咧行 阮看你 你看阮 阮看著家己
黃月春 - 母語日教學 | 2017-10-29 | 人氣:1365
放雞鴨 一放雞,二放鴨,三分開,四做堆,五搭胸,六拍手,七圍牆,八摸鼻,九揪耳,十抾起。  
黃月春 - 母語日教學 | 2017-10-22 | 人氣:924
白翎鷥  白翎鷥,車畚箕, 車到溪仔墘,  跋一倒, 抾著兩仙錢,  一仙買餅送大姨  一仙留起來好過年        
黃月春 - 母語日教學 | 2017-10-15 | 人氣:623
阮細漢的時陣 想起著阮細漢的時陣 有誠濟心識的代誌 上普遍閣上親密的 是吊燈仔和阮到大漢 以前崁邊有一位小妹妹 我捌共伊號做吊燈仔花 伊逐日笑微微坐佇楊桃跤 佇咧等我轉來唱吊燈仔歌 彼當時佇阮潮州的四界 有鳳凰有 kin-tsio 閣開蓮霧花 抑若講起著吊燈仔的赤紅 可比日頭光攏集中來佇遮 今仔若問吊燈仔花猶有幾欉 干焦有幾蕊來佮日頭咧相向 一旦若失去吊燈仔好同伴 全潮州閣點日光燈猶是烏暗
黃月春 - 母語日教學 | 2017-10-01 | 人氣:461
月娘 下昏,滿圓的面容 是你,阮閣來見著 可是,暗淡,暗淡的光 淒迷的味,阮有鼻著 乃是佮故鄉的相仝 阿母的疼惜 阮的搖籃仔 仝款猶是淒迷 袂落眠的靈魂 下昏,你猶閣佇咧 親像阿母佇阮的心內 阮喘著流浪的氣息 佇你淒迷的光裡 聽著阿母的叫聲 佇時欲來做伙轉去 綴著你滿圓的面容 袂醒起來的留尾夢
黃月春 - 母語日教學 | 2017-09-24 | 人氣:669
天烏烏 天烏烏,欲落雨,阿公仔舉鋤頭仔要掘芋 掘啊掘,掘啊掘,掘著一尾漩鰡鼓,伊呀嘿都真正趣味 阿公仔要煮鹹,阿媽仔要煮淡,兩人相打弄破鼎 伊呀嘿都啷噹鏘噹嗆,哇哈哈。  
黃月春 - 母語日教學 | 2017-09-17 | 人氣:416
( II ) 白雲停跤的所在 遐就是牧童的故鄉 但是按日落的方向 煞有一陣捲螺風闖( tsuàn )來 遐的白雲一時變成四散的飄絮( su ) 半天仔驚惶咧 iat 着雙翅仔  草原的牧童准失去了方向 喔!潺潺( tshàn )的小溪仔唱着悲歌 經歷久長的狂風暴雨 幸運轉來佇家園的牧童 有一工,當伊閣再出現佇草原 牧童的伊都變成壯士 為着獨立自主,面對着迫害者 永遠都無迷失着方向 永遠都毋屈服 向旋風挑戰的英雄 白雲停跤的所在 遐就是牧童的故鄉 美麗島的藍天 會閣共你講着四季的喜悅
黃月春 - 母語日教學 | 2017-09-10 | 人氣:501
美麗島牧歌 ( I ) 一蕊一蕊的白雲 佇碧藍的天頂咧輕聲細說着童話 In 才拄仔按玉山飄來 講暫時無閣再流浪 白雲欲踮遮和草原來盡說心聲 早時ê日光掀開了一軀霧衫 遐細隻鳥仔 in 的歌聲 飄送到炊煙的莊舍 草原的牧童 呼喚起了一片夢中的綠景 喔!微風輕輕咧摸過的所在 有你所愛的人的酒窟仔 半工仔按野草頂面飛出 展開着伊小巧靈活的雙翅仔 tsiu tsiu 咧ànn 頭看着溪仔邊的蝴蝶 彼遐邇仔 suí的影引起春日咧笑 gi gi 草原的牧童 thǹg 退着了冠笠 綠氣沁( tsìm )透著無邊的曠野 美麗島的藍天 共 liń講着四季的喜悅( iat )
黃月春 - 母語日教學 | 2017-06-04 | 人氣:962
南都三景   嵌成春月   嵌成月亮 花笑春光 團圓一樣 缺憾千般 照著生涯哀苦 那有美島仙鄉 月姊月姊 你的軟心腸 怎不幫忙 也不主張 永遠站在清高觀望   鄭詞寒梅   梅花爛漫 鄭王祠畔 三百年樹 霸業留殘 可憐中心未泯 屈南枝向北難 梅花梅花 鐵骨耐霜寒 花事闌珊 春雨瀰漫 知是孤臣心淚未乾   安平晚渡   安平潮聲 綠水盈盈 ... 觀看完整文章
黃月春 - 母語日教學 | 2017-05-21 | 人氣:543
南國的賣花姑娘   春天的早起生活來所致 標緻的姑娘青春好年紀 買花呀來買花 玫瑰花香有刺 你著注意啊……. 南國的賣花姑娘   雨天黃昏時親像目屎滴 可愛的目睭金金攏無
第一頁 上一頁 1   2   3   4  下一頁 最後頁
RSS https://www.yces.chc.edu.tw/w2019/modules/tadnews/rss.php?ncsn=35