母語日教學

六月茉莉     六月茉莉真正媠  郎君仔生做伊都真古錐 好花難得成雙對　身邊若無娘仔伊都上克虧   六月茉莉真正香　單身的娘仔伊都守空房 好花也著有人挽　無人那知影啊伊都氣死人   六月茉莉芳透天　單身的娘仔伊都無了時 好花也著合人意　何時那郎君仔伊都在身邊   六月茉莉透暝芳　單身的娘仔伊都做眠夢 好花開了等後冬　娘仔那親情啊伊都何時放   六月茉莉滿山芳　挽花嘛也著伊都惜花欉 親像蝴蝶亂戲弄　採過那一欉仔伊都又一欉 &... 觀看完整文章

嫁妝   父母清寒運命註定無怨歎 油鹽柴米學費幾落層 顧著小弟的前途 犧牲來幫助 那辜負青春二十五   看人嫁妝豐富十足真多款 金玉綢緞現金二十萬 為著豹彪也無怨 新娘也甘願 那愛您嫁妝百百款   女德好壞親家親母也無揀 田園股卷洋樓二三間 這款無志的男性 重錢無重情 那靠某吃飯恰清閒

留春 一 留得溫暖的春風 看桃李爭豔鬥紅 驗新舞鶯兒歌唱 啊……何苦悲傷 青春大家來欣賞 二 留得溫暖的春風 吹動了萬紫千紅 蝶亂舞鳥兒低唱 啊…..易過韶光 別辜負青春一場 三 留得溫暖的春風 飄送著清芬花香 啊…..叫醒心胸 青春是愛的海洋

卜卦調   手搖籤桶有三支喔  要卜新娘啊入門喜咿 現在有身三月日喔  唉喲喂  包領會生莫嫌遲咿   頭支五娘陳三兄喔  甘願為奴來掃廳咿 婚姻雖然能成事喔  唉喲喂  一心歡喜一心驚咿   二支關公扶劉備喔  要問先祖啊做生意咿 你若添油二百四喔  唉喲喂  明年一定大賺錢伊   三支田嬰飛落網喔  這支財利啊有較空咿 先祖壇前來解厄喔  議員當選有希望伊

牛犁歌   頭戴著竹笠仔喂　遮日頭呀喂 手牽著犁兄仔喂　行到水田頭 奈噯唷呀犁兄仔喂　日曝汗那流 大家著合力呀喂　來打拼噯唷喂 奈噯唷呀裡多犁兄仔喂　日曝汗那流 大家來打拼噯唷喂   腳踏著水車仔喂　在水門呀喂 手牽著犁妹仔喂　透早天未光 奈噯唷呀犁妹仔喂　水冷透心腸 更多更詳盡歌詞大家著合力呀喂　來打拼噯唷喂 奈噯唷呀裡多犁妹仔喂　水冷透心腸 大家來打拼噯唷喂   手推著牛犁仔喂　來犁田呀喂 我勸著犁兄仔喂　不通叫艱苦 奈噯唷仔犁兄仔喂　為著顧三丈 ... 觀看完整文章

關仔嶺之戀     嶺頂春風吹微微　滿山花開正當時 蝴蝶多情飛相隨　啊娘呀對阮有情意 啊　正好春遊碧雲寺   嶺頂風光滿人意　清風吹來笑微微 百花齊開真正美　阿娘呀對阮有情意 啊　遊山玩水爬山嶺   嶺頂無雲天清清　山間花開樹葉青 可愛小鳥吟歌詩　阿娘呀對阮有情意 啊　雙人相隨永不離

菅芒花      菅芒花白無芳，冷風來搖動。 無虛華無美夢，啥人相疼痛。 世間人錦上添花，無人來探望， 只有月娘清白光明，照阮的迷夢。   菅芒花白無味，生來毋著時。 無玉葉無金枝，啥人會合意。 世間事鏡花水影，花紅有了時， 只有風姨溫柔搖擺，顧阮的腰肢。   菅芒花白文文，出世在寒門。 無美貌無青春，啥人來溫存。 世間情一場幻夢，船過水無痕， 多情金姑來來去去，伴阮過黃昏。

可愛的花蕊   不甘你風吹曝日‧霜凍雨滴，真心來扶持 不是愛你妖嬌，不是愛你香味， 因為你有純真，也有秀氣， 啊　～　可愛的花蕊   不甘你落葉折枝‧黃蜂搭纏，受人來輕棄 不是愛你妖嬌，不是愛你香味， 因為你有純真，也有秀氣， 啊　～　可愛的花蕊   不甘你落花墜水‧漂流無依，整頓來圍籬 不是愛你玉葉，不是愛你金枝， 因為你有青春，也有理智， 啊　～　可愛的花蕊

    思想起　 思想起，日頭出來啊伊都滿天紅， 枋寮哪過去啊伊都是楓港，噯唷喂。 希望阿哥來疼痛，噯唷喂。 噯唷疼痛小妹啊做工人，噯唷喂。     思想起，恆春過了啊伊都是車城， 花言哪巧語啊伊都不愛聽，噯唷喂。 阿妹啊講話若有影，噯唷喂。 噯唷刀鎗做路也敢行，噯唷喂。     思啊想啊起，四重溪底啊伊都全全石， 梅花哪當開啊，伊都會落葉，噯唷喂。 小妹啊想君抹得著，噯唷喂。 噯唷恰慘拖命啊吃傷藥，噯唷喂。  ... 觀看完整文章

青春的輪船   我是青春的輪船 孤帆流落在異方 飄流苦海千里遠 啊....舉頭觀望 月色迷離我的家鄉   想著離開彼時拵 妹流目屎阮心酸 再三番咐著緊返 啊....波浪做對 我是苦命青春輪船   青春輪船未得返 耽誤美花過黃昏 天邊海角在做夢 啊....海鳥哭醒 親像鈍刀割阮心腸

漂浪之女   沉靜的更深，窗外風飄一陣 想起舊恨暗傷心，真是紅顏薄命 生在亂世佳人，輕的生命 熱的愛情　歸在，心所愛的人   錯愛的車輪，輾轉誤了青春 像花落沉在苦海，不是愛情奴隸 心內有你一人，紅的心血 白的純情　永遠，送所愛的人   團圓的月娘，照阮心內悲傷 年輕拆散苦鴛鴦，為你芳心打碎 為你拋去家鄉，飄飄何處 青春榮華　了結，只有我一身

一隻鳥仔哮無救 嘿，嘿，彼就是一隻鳥仔 在政見發表會的台頂哮救救 嘿，嘿，彼就是一隻鳥仔 在寒涼風雨中的闇時欲找巢   飛來飛去，為着找鳥巢 哮救救，彼隻鳥仔眼中有憂愁 也驚無人知也伊的成就 也驚有人啼笑伊的哀求   飛來飛去，總是找無巢 哮救救，這隻鳥仔嘴邊無髭鬚 談天南說地北，亂哮一大場 論現在講過去，哮無親像   哮救救，不知得怎樣 臺腳的聽眾心內到底啥要求 哮救救，誰人肯收留 臺頂的鳥仔目屎滾落心頭憂   為著滿腹的主張，這隻鳥仔 決心奉獻追求，追求伊的享受 為着大家的前途，這隻鳥仔 願意享受犧... 觀看完整文章

龍鑽溪埔 我是小游龍，大街小巷 左彎正轉，據在我心意 超公車追計程，嚇驚 老人查某囝仔兄 倒刨一輪，正削一轉 大路正是我的練車場 換檔、改速，剝掉消音器 猛油若催，風生這一世 上山崙，走海岸 頭毛弄風很趣味 冒死巷，鑽路邊 單輪行走見勇氣 我是小游龍，放手 開車，同款食百二 正邊來，左邊去 一路蛇行，連鬼都好奇 青紅燈，算什麼？ 分岔路，免掛意！ 橫衝直撞，不管你 叫天叫地，與你驚擱氣 啊哈！車行時速一百二 兩邊景色攏霧去 我是偉大當今小游龍 天庭地獄也敢去 溪埔石頭滿滿是 機車過溪正是我的特技 提起前輪加油衝出... 觀看完整文章

草蜢無意弄雞公 和草蜢仔避藏田岸邊 同款，阮佇亭仔腳藏避 佇夜市走縱，隨時著準備 背起包袱仔此位來啊彼位去 和草蜢仔撲跳稻埕邊 無同款，阮撲跳佇街市 隱身佇柱腳，隨時做準備 背起包袱仔此邊溜啊彼邊避 只是為著無店面做生理 貨色一包袱，土腳來展開 任您揀任您翻任您講價錢 買著俗貨好貨算您好運氣 只是因為無攤仔好擺置 貨色一包袱，委屈踮路邊 在您喝在您出在您加減添 賣到了本了錢是我所歡喜 四界徐，四界去 草蜢仔不驚雞公來啄伊 稻埕粟仔舖地滿滿是 雞公生氣草蜢仔戲弄伊 四界縱，四界避 阮是上驚警察大人來噴嗶 人客褲袋銀票滿滿是 大人... 觀看完整文章

議員仙仔無佇厝 一個月前為着村民的利益 他就出門去縣城努力 道路拓寬以後交通便利 工廠一間一間起大家大賺錢 議員仙仔一向真飽學 聽講彼日在議會發威 先是罵縣老爺無夠力飯桶 續落去笑局長是龜孫仔 議員仙仔是官虎頂頭的大官虎 當初這票投了實在無不對 不但賺煙賺錢賺味素 而且如今找議員仙仔同款真照顧 東一句王兄西一句李弟 握一個手任何問題攏無問題 可惜議員仙仔無在厝 新起的一間工廠放廢水 田裡的稻仔攏總死死掉 可惜議員仙仔一個月前就出門去 爭取道路拓寬工廠起好大家大賺錢

春花不敢望露水 一蕊花，受風吹落地 一蕊花，被雨打落土 離枝離地，大街小巷四界旋﹝Se8﹞ 離葉落土，淒淒慘慘誰照顧 誰照顧？繁華都市一蕊花 在陰黯的路頭招展美色 在鬧熱的街市和人相夾﹝Khoe4﹞ 在粉紅的電話邊，等你來相找﹝Chhoe7﹞ 來相找！不是欲你來挽花 算時間湊陣，算代價約會 阮只是一蕊，只是一蕊 會得陪你一時的落地花 落地花！為著生活受風吹 不敢想上天，不敢望栽培 阮只是一蕊，只是一蕊 為你開放一陣的落地花 落地花，心事掩蓋﹝Am7－Kham3﹞紅塵下 無需要你追問阮身世 無需要你憐憫阮落地 只要你尊重，愛惜這蕊花 ... 觀看完整文章

著賊偷   隔壁阿三昨暝著賊偷 入新厝，無幾日 賊仔開門破窗撞入來 阿三彼時帶某去散步 轉來一看天烏烏 台幣、美金，攏無去 只有冷風微吹窗紗布   阿三隔壁的阮也歹運 娶秀某，適入門 眠床粧鏡傢俱項項新 初二陪某做客回家門 轉來一看心酸酸 披鍊、手指，攏無去 只是舊褲破衫一眠床   做人難免也會著賊偷 行大路，惜圓月 好漢趣味剖腹來做夥 陰風慘雨忽然一時刻 過了一看目屎流 只存闇路孤燈陪咱走

八家將   陣頭是將軍，威風凜凜 舉葵扇，做前鋒 一馬當先迎神明 庄頭庄尾攏知也  八家將軍會得致福蔭 一見大吉，再見大喜  三見國泰民安享大福 陣頭做將軍，感心為神明     田頭是犁牛，四界冷清 舉鋤頭，掘田岸 透早出門巡田水 庄頭庄尾攏阿諛 阮的子兒臺北豪賺錢 大的開工廠，二的開公司 三的建屋賣厝炒股票 田頭做犁牛，目屎落田裡

        三更半暝一隻貓仔喵喵哮                 　 天光了後阮就愛去菜市仔賣菜 想起跨過臭水溝一腳一腳烏金的皮鞋 親像看見一塊一塊抹胭脂嘩價的嘴唇 佇這陣冷風微微吹來冷靜的闇時 忽然阮聽見窗仔外一隻貓仔喵喵哮   一隻貓仔喵喵哮，四年前有一暝 阮翁彼時猶未出海討魚，同款也聽見 如今阮賣菜賺錢罕罕也賺少年家... 觀看完整文章

杯底金魚盡量飼      杯底不好，不好用來 飼金魚。金魚不是錢 換做金魚若是錢 杯底金魚讓我替你飼   三更半暝飲酒著划拳 八仙過海你上愛 我是獨鍾哥倆好 飲落去！管伊什麼大代誌   單操單操單──操啦 乞巧乞巧乞巧──啊 啊飲落去！你輸你飲 飲落去！我贏也是你來飲   一杯博感情，二杯套交情 三杯落腹，朋友兄弟免議論 四逢四喜，爽快上值錢 飲落去看覓：杯底無金魚   金魚走何去？置... 觀看完整文章

村長伯仔欲造橋              村長伯仔欲造橋 為著庄裡的交通收成的運送 猶有囝仔的教育 溪沙同款算未完的理由 村長伯仔每一家每一戶撞門 講是造橋重要愛造橋   村長伯仔實在了不起 舊年裝的路燈今年會發光的存一半 今年修的水管舊年也已經修過兩三遍 只有溪埔雖然無溪水也愛有一條橋 有橋了後都市人會來庄裡就發達 造橋重要收成運送也順利   造橋確實重要無者庄裡... 觀看完整文章

  食頭路 食人的頭路真艱苦 透早起來得出門 搧冷風，等公車 搖頭踩腳看手錶 苦苦等，苦苦看 公車擠著人已經昏倒一大半   食人的頭路真痛苦 每日上班得拍拼 看頂司，賠面色 喝東不敢向西行 苦苦做，苦苦爬 月給領到人已經減活幾仔歲   食人的頭路真辛苦 不時透暝得加班 聽鐘聲，算時間 一分一秒有夠慢 苦苦算，苦苦等 日頭看到人已經腳手懶懶懶

阿媽的目屎                                          阿媽最愛流目屎 歡喜也流艱苦也流 看到細漢的阮跋倒 伊也流   &nb... 觀看完整文章

  搬布袋戲的姊夫     彼一日，阿姊倒轉來 帶醃腸水果，帶真濟 好耍的物件，阮最合意的 是姊夫愛弄的，一仙布袋戲尪仔   有一年，庄裡天公生 公厝的曝粟仔場，掌中劇團 做戲拜天公，阮最愛看的彼仙 為江湖正義走縱的，布袋戲尪仔   姊夫就是掌中劇團 搬布袋戲尪的頭師，彼一年 姊夫的劇來庄裡公演 鑼鼓聲中，西北派打倒東南派   阿姊彼時猶是 十七八歲的姑娘，有一日 走去劇團找弄戲的頭師 嬌聲柔語，東南派拍... 觀看完整文章

阿公的薰吹      古早古早，阮看 阿公的薰吹 是日落時陣 蒸燻的煙筒 對每一戶破爛的厝頂 飄出美麗的渺茫的故事 　 現此時，阮提 阿公的薰吹是寒天時陣 硬硬的枴仔 在每一條清氣的街路 剔除朽臭的垃圾的石頭 　 四十年後，阮若是咬著 阿公的薰吹會是什麼時陣 安怎的款式 對每一位可愛的孫仔 提起阿公的輝煌的歷史

阿母的頭鬃             向陽   做姑娘的時陣，阿母的 頭鬃，烏金柔軟擱滑溜 親像鏡同款的溪仔水 流過每一位少年家的心肝頂   嫁與阿爹的時陣，阿母的 頭鬃，活潑美麗擱可愛 親像微微的春風 化解了一度浪子的阿爹   生了阮以後，阿母的 頭鬃，端莊親切又溫暖 親像寒天的日頭 保護著幼嬰軟弱的阮   阮大漢了後，阿母的 頭... 觀看完整文章

  阿爹的飯包   每一日早起時，天猶未光 阿爹就帶著飯包 騎著舊鐵馬，離開厝 出去溪埔替人搬沙石   每一暝阮攏在想 阿爹的飯包到底什麼款 早頓阮和阿兄食包仔配豆乳 阿爹的飯包起碼也有一粒蛋 若無安怎替人搬沙石   有一日早起時，天猶烏烏 阮偷偷走入去灶腳內，掀開 阿爹的飯包：無半粒蛋 三條菜脯，蕃薯籤參飯

紅田嬰   紅田嬰  紅貢貢   騎牛騎馬來培墓   芎蕉鳳梨  牲禮酒菜   大兄哥點香  大家來拜   紅田嬰  紅寶貝   騎牛騎馬來印墓粿   紅龜無夠  牲禮總掃   豆干雞蛋  提提來鬥

打手刀   打手刀  煮冬蒿 小妹仔欲嫁欲如何 想來想去真煩惱 趕緊寫批予兄哥 大哥送金鎖 二哥送瑪瑙 大嫂送鳳釵 二嫂送繡鞋 阿公阿媽送啥貨 一頂紅眠床  一領被

油炸粿   油炸粿  杏仁茶 見著警察 khok khok pê 碗公弄破四五個 警察掠去警察衙 叫阮雙跤 khiā齊齊 哎唷喂  大人啊喂 阮後擺毋敢賣 阮後擺毋敢賣