• slider image 310
  • slider image 313
:::

母語日教學

黃月春 - 母語日教學 | 2016-05-15 | 人氣：456
阿猴仔   阿猴仔 瘦比巴 吃飯配豬跤 一碗豆腐湯 哎唷 sù甲焦焦焦
黃月春 - 母語日教學 | 2016-05-08 | 人氣：421
點仔膠   點仔膠 黏著跤 叫阿爸 買豬跤 豬跤箍 kûn 爛爛 Iau 鬼囡仔流喙涎   點仔膠 黏著跤 叫阿爸 買豬跤 豬跤箍 kûn 爛爛 Iau 鬼囡仔流喙涎   哎唷 點仔膠 黏著跤 叫阿爸 買豬跤 豬跤箍 kûn 爛爛 Iau 鬼囡仔流喙涎 咻
黃月春 - 母語日教學 | 2016-05-01 | 人氣：407
新年調   初一早 初二早 初三睏甲飽 初四神落降 初五隔開 初六種菜兼挹肥 初七七元 初八完全 初九就是天公生 正月十五元宵暝 逐家做陣來結燈棚
黃月春 - 母語日教學 | 2016-04-23 | 人氣：588
阿舅來   附ê 附ê 篩米來飼雞 附ê 附ê 篩米來飼雞 飼大隻  阿舅來 Thâi 雞請阿舅 阿舅吃無了 Tshun 一隻雞跤爪 阿媽捧去匟 阿孫仔 khok khok 問
黃月春 - 母語日教學 | 2016-04-10 | 人氣：614
愛哭神   粘治哭  粘治笑 後壁門仔伊多一頂轎 粘治哭  粘治笑 後壁門仔伊多一頂轎 啊  愛哭神 食飯配塗豆仁 粘治哭  粘治笑 後壁門仔伊多一頂轎 粘治哭  粘治笑 後壁門仔伊多一頂轎
黃月春 - 母語日教學 | 2016-04-01 | 人氣：750
普渡來   普渡來 欲做戲哦 吩咐三  吩咐四哦 吩咐親家親姆仔 來看戲哦 對竹跤  厚竹刺 對溪邊  驚跋死 對大路ē  嫌費氣哦 若無 都攏莫去哦
黃月春 - 母語日教學 | 2016-03-27 | 人氣：496
阿婆仔   阿婆仔阿婆仔來遮坐 食飯配田螺 田螺鹹 tok-tok 阿婆仔生囝大頭 khok
黃月春 - 母語日教學 | 2016-03-20 | 人氣：446
牽尫仔   啊…牽尫仔補雨傘 牽豬哥四兩半 牽新娘出來看 新娘仔 suí噹噹 褲底破一空 後壁磅米香 後壁磅米香
黃月春 - 母語日教學 | 2016-03-13 | 人氣：534
烏秋   烏秋 烏秋  嘎吱啾 死雞仔肉嘛搵豆油 豆油 豆油  捧咧走 烏秋 烏秋  馬馬吼
公告 黃月春 - 母語日教學 | 2016-03-07 | 人氣：470
秀才騎馬弄弄來 秀才秀才騎馬弄弄來 佇馬頂跋落來  跋一下真厲害 秀才秀才騎馬弄弄來 佇馬頂跋落來  跋一下真厲害 喙齒疼 糊下賅 目 tsiu 疼 糊目眉 腹肚疼 糊肚臍 嘿！ 真厲害
黃月春 - 母語日教學 | 2016-03-02 | 人氣：410
笑   笑 笑 笑笑笑 稻城外有一頂轎 逐家來扛去帝爺廟 帝爺想著真好笑 開喙哈哈 大笑
黃月春 - 母語日教學 | 2015-12-25 | 人氣：466
富貴的兄弟   彼一年，阿母生後生 族親攏嘛真歡喜 富仔是好名字 阮兜飼大豬  賺大錢 閣一年，貴仔來出世 真福氣  紅瓦厝五間起 富仔貴仔  是阮小弟 平平安安過日子
黃月春 - 母語日教學 | 2015-12-14 | 人氣：471
涼水的歌   水   軟軟 suí 汲一嘴  淡薄仔醉 飲涼水  心頭開 耍山水  無是非 飲一罐涼水 袂肥閣會 suí 山靜靜  天清清 水涼涼  心靈靈
黃月春 - 母語日教學 | 2015-12-06 | 人氣：457
黃昏的野鳥   流浪的白雲 飛過田園 爬過山崙 親像叫阮趕緊返   黃昏的野鳥 一陣閣一陣 一庄飛過一庄 兄妹相 tshuā入家門
黃月春 - 母語日教學 | 2015-11-29 | 人氣：479
同窗親像親兄弟 做陣藏水宓 有時嘛會相創治 枝仔冰 歸陣吸一支 人講：拍虎著親兄弟 相招偷掘甘薯 有時去偷釣魚 嘛有時鬥陣唸歌詩
黃月春 - 母語日教學 | 2015-11-13 | 人氣：398
跋山崎   騎鐵馬跋山崎 流汗滲滴 狗兄走第一 小弟真歡喜 阮用氣力轆落去 點點滴滴的親情 心甘情願上歡喜
黃月春 - 母語日教學 | 2015-11-08 | 人氣：600
種菜的阿媽   來  來  來 緊來  趕緊來 鬥陣來阮的菜園內 阮的  阿媽 gâu 種菜   看  看  看 緊來  緊來看 菜園內的高麗菜 疊甲一堆親像山 無人買  囥咧爛   阿媽真拍拚 透中晝日頭跤 曝菜乾  曝甲 大粒汗  細粒汗  
黃月春 - 母語日教學 | 2015-10-31 | 人氣：453
菜籽花   菜籽花  有夠濟 種惦  阮的田底 發惦  阮的土地 阮的祖先 gâu 耕地 菜籽花  黃黃黃 親晟朋友蹛歸庄 阿公透早巡田園 囡仔相招廟埕耍 菜籽花  花花花 阮老爸  gâu 駛犁 牛車牽過溪 溪南  溪北  嘛是一片 菜籽花
黃月春 - 母語日教學 | 2015-10-23 | 人氣：497
拍干樂 干樂  干樂愛 tshit-thô 廟埕黑白 sô 干樂上愛膨風 惦大埕旋玲瓏 一隻跤閣真 gâu 走 無生喙閣大聲吼
黃月春 - 母語日教學 | 2015-10-19 | 人氣：470
猴佮狗 樹頂一隻金絲猴 掛目鏡 kik 緣投 嬉弄樹跤白花狗 金絲猴上愛車糞斗 樹跤彼隻白花狗 氣甲汪汪吼 阮小弟驚一下 大聲哭  哭聲驚走 猴佮狗  
黃月春 - 母語日教學 | 2015-10-11 | 人氣：476
瘦猴囡仔   瘦猴囡仔，人瘦瘦 大頭牿，身軀真薄板 做工課，閣懶懶 愛食白米飯攪滷肉湯 有魚有肉伊著喝 讚！
公告 黃月春 - 母語日教學 | 2015-10-04 | 人氣：336
阮為 tshit-thô來出世   走斗 khoo ，行包棋 閹咯雞，走去匿 放風吹，真趣味 軟為 tshit-thô來出世 有時陣，去爌窯， 有時陣，掠沙豬 有時陣，布袋戲 嘛有時，跳童技
公告 黃月春 - 母語日教學 | 2015-09-29 | 人氣：552
年節 中秋時，月娘圓 想月餅，過三更 一年想了閣過一年 二九暝，好時機 炒青菜，參肉絲 這頓暗飯，才有肉佮魚
黃月春 - 母語日教學 | 2015-09-20 | 人氣：483
  媽祖婆 自細漢愛 tshit-thô 冊攏讀無 阿娘叫阮去求媽祖婆 媽祖婆  請你予阮的考試成績好 牲禮有雞佮有鵝 飯後嘛有荔枝加葡萄
黃月春 - 母語日教學 | 2015-09-14 | 人氣：580
康原的囡仔歌   放風吹   風吹  風吹真 gâu 飛 曠闊土地  是阮的 獻予  社區囡仔放風吹 響弓  逐家講風吹 飛懸飛低  飛甲滿四界 風吹  háu 聲親像吹水螺 飛過  彼條西螺溪 巡視  阮兜的土地
黃月春 - 母語日教學 | 2015-06-07 | 人氣：454
你用啥物養飼家己的性命   你用啥物養飼家己的性命 你共生活的重心囥佇佗位   無代誌通做的時 你敢會空虛   一個人的時 是毋是感覺孤單   駛好車  蹛『豪宅』 你的性命敢有得著成就 有權閣有勢 你的人生敢就算是成功   年華消逝 你敢有感覺人生空過 長日將盡的時 你敢會當無遺無憾  安心入夢   過一陣仔閣拄著這的問題 你敢會當肯定家己 猶原矣是有滿意的答案
黃月春 - 母語日教學 | 2015-05-29 | 人氣：507
杯仔   杯仔 總有一工會破   所以 佇猶未破….去的時 請好好珍惜佮伊做伙的時間   有一工杯子若破 嘛請你毋免傷心 因為 到彼時 咱，嘛會破
黃月春 - 母語日教學 | 2015-05-24 | 人氣：461
保存期限   食著過期的物件 腹肚滾絞疼 疼甲擋袂牢 雄雄才來發現 物件早就過期   閣較珍貴的物件 嘛攏有保存期限 物件若是過期 就是感覺無彩 就是感覺過去 家己用即爾濟氣力 真無簡單才得…著的 嘛是就放手 嘛是就清掉   若無 輕…者予人袂爽快 重…者，甚至造成後遺症 影響煞落來的 人生
黃月春 - 母語日教學 | 2015-05-17 | 人氣：394
水缸子若無沙   水缸子若有沙 石頭 tàn 入去的時陣 水隨反濁 內底的物件 攏總看袂清   水缸子若無沙 無論石頭按怎 kiat ，按怎 khian 水猶原 清清清   咱無法度阻止命運向咱 phiann 石頭 毋閣會當將心內的沙 清掉 予咱的心隨時會當 清清清
黃月春 - 母語日教學 | 2015-05-10 | 人氣：442
天堂〈之二〉   天堂若是即 gió 是按怎會有天使 選擇墮落 伊甸園的生活若是即四序 是按怎蛇會想欲反背   予家己生活痛苦的思考模式 去到天堂 敢就會當帶來幸福   佇這個國家無快樂的人 去到別國款痛苦 佇世間活了無快活的凡人 去到天堂 敢就會當變做 幸福的天使   上實在….的，矣是改變思維模式 予眼前這個世界 變做天堂
第一頁 上一頁  1   2   3   4  下一頁 最後頁
RSS https://www.yces.chc.edu.tw/w2019/modules/tadnews/rss.php?ncsn=35