• slider image 288
:::

母語日教學

黃月春 - 母語日教學 | 2015-05-03 | 人氣:137
Siáu人佮冤仇人   是按怎,落雨的時 周圍tit-tit-to̍k-to̍k 煞顛倒有 恬靜的感覺   是按怎,運動的時 身體動甲赫激烈 煞顛倒有 放鬆的感覺   是毋是平常時 咱的心其實就無蓋恬靜 是毋是平常時 咱的身體其實嘛無赫爾仔放鬆   到底是佗一个Siáu人 逐日一直對咱咧旋旋唸 唸攏袂煞,予咱袂平靜   到底是佗一个冤仇人 逐日一直咧予咱感覺緊張 感覺袂放鬆   將心靜…落…來 詳細共看 斟酌共聽 就會當發現... 觀看完整文章
黃月春 - 母語日教學 | 2015-04-25 | 人氣:170
媽媽的感動   媽媽,今仔日是你的生日 我來共你洗碗! 阿母,今仔日是母親節 煮飯就予我來鬥相共! 乖囡仔,你有影真貼心,媽媽無白疼..妳!   貼心…的,為著慶祝咱結婚五周年 共囡子洗身軀這項代誌 今仔日就交予我…囉! Án某…的,為著體貼你上班的辛苦 以後逐禮拜三 攏予我來洗碗好…矣! 難得你閣這會曉想!   媽媽對家己的尪婿、囡仔這爾仔識代誌 感覺真安慰、真滿足 因為伊的安慰佮滿足 “家”事,煞慢慢仔攏便做是 “媽&... 觀看完整文章
黃月春 - 母語日教學 | 2015-04-19 | 人氣:171
攝影師   一般人看..起來無啥的風景 佇伊的目tsiu內 攏是無通比phīng的suí 歲月佇老歲仔人的面容刻..出..來的皺紋 壓力佇工人的手模留..落..來的傷痕 佇伊的作品內底 攏總化做 觀眾心內深深的觸動     攝影師的厲害 毋是伊gâu揣對象 gâu揣所在 攝影師佮咱無..相siâng的 只是伊 看世界的角度
黃月春 - 母語日教學 | 2015-04-12 | 人氣:132
雞kui仔   一粒雞kui仔佇天頂咧飛 Hānn過紅色的磚仔厝 閃過都市現代化的懸樓 旋過青tshioh的樹林、黃色的沙漠 佇藍色的湖頂面散步   人講伊的生活無目的、毋知按算前途 逐日干焦四界lōng-liu-lian 毋知伊就是咧享受 家已的漂流
黃月春 - 母語日教學 | 2015-04-07 | 人氣:142
阿里山的雲霧   一開始天氣猶真清朗 青..的是山,藍..的是天 佇日頭跤一切這爾仔祥和平靜   雄雄 雲霧uì山頂一波一波沉..落..來 伊無規則、快速 流..過的所在 其他色緻的風景攏予伊一手抹消   無一貼久仔,雲霧用tâm tâm涼涼的空氣 將咱圍甲密密密 四箍輾轉的一切攏變做 濛濛渺渺   逐家今仔咧讚嘆山頂多變的景致 越一下頭 有人隨uì皮包仔..jîm一條L’OCCITANE出來抹 向望家己的皮膚 永遠毋通有變化
黃月春 - 母語日教學 | 2015-03-29 | 人氣:175
蝶仔花佮菁仔   廟埕邊 蝶仔花佮菁仔生做伙   碟子花毋識欣羨菁仔的懸 菁仔毋識怨妒蝶仔花的芳   兩個攏活了真四序
黃月春 - 母語日教學 | 2015-03-22 | 人氣:149
海湧   一尾一尾銀色的魚仔 相爭欲跋起來岸頂   無論爭甲偌頭前 無論溢甲偌懸偌猛   最後總是嘛著 化做無形
黃月春 - 母語日教學 | 2015-03-14 | 人氣:242
海   有時翠青,有時金黃 有時光燦,有時暗淡 天是啥款色,伊嘛是彼款色   因為海無「應該是」的色 無論色水按怎變化 攏袂波動伊的心
黃月春 - 母語日教學 | 2015-03-06 | 人氣:221
雲之二   袂共山講:永遠無欲分開 袂共海講:上好莫閣相揣   袂因為景緻好看,想欲加留兩日 嘛袂因為周圍相吵,翻頭做伊走   風共伊吹到佗位 伊就恬恬仔 享受彼位的風景
黃月春 - 母語日教學 | 2015-03-01 | 人氣:179
雲〈之一〉 Liam-mi是車,Liam-mi是厝 Liam-mi是棉仔糖,Liam-mi城堡 雲,無固定的面貌   因為知影外形在人看 無絕對的suí-bái 因為知影佇性命內底 變化才是袂變的真理   伊 袂因為鼻頭拄puh--出-來的thiāu仔煩惱 袂因為額頭新刻的皺紋哀爸叫母 嘛袂因為加--出-來的五公斤體重 毋敢出門
黃月春 - 母語日教學 | 2014-12-27 | 人氣:132
落葉   彼片驚見笑的紅葉 落尾猶原  隨風墜落地 啥人講秋風無情 伊的溫柔  閣掛佇樹尾枝 盪盪搖----   你的喙配  嘛是兩片紅葉仔 早起的露水佇你的目箍,躊躇 了後  慢慢佇面肉 行出一條一條的雙叉路   阮的目tsiu金金  吐出一下大氣 你敢知影  你 害阮當時在學行路的愛情 一時煞毋知  欲越去兜位?
黃月春 - 母語日教學 | 2014-12-21 | 人氣:167
烏鴉   啊啊---啊啊--啊--- 你毋知有聽著無? 彼隻烏鴉一直在叫 歇佇樹枝,有時陣 khiā佇石頭 抑是飛佇天頂 伊一直在叫,叫規世人囉-----   伊毋是在哭,嘛毋是在笑 愈毋是咧唱衰 伊是用沉重的心情在嚎 看會共睏了一千年的這塊島嶼 叫醒無?   穿烏衫,是在暗示 在悲傷,人的無情無義  佮 伊的愛,永遠無了時-----   啊啊---啊啊--啊--- 佇島嶼彼pîng,遙遠的你 無知有聽見無?阮的數念 嘛愈來愈sau聲 親像一隻無人佮意的烏鴉
黃月春 - 母語日教學 | 2014-12-14 | 人氣:132
風颱   佇燒熱的海洋 阮鬱卒的心 毋知是按怎 煞一時絞規khiû 絞作一個風颱 想欲共家己吹走 吹去遙遠無人的世界….   阮小小的世界 無疑誤 你是一個強烈的風颱 將阮親像中央山脈 遐邇勇固的愛情城堡 吹倒了了矣   聽人在講,愛情 其實本身就是 來無影去無踪的 風颱…..   風颱過去,日頭若出來 就足少人會知影 阮的心內 猶原透風落雨 恐驚這是久久長長的代誌   毋過,無論風颱有偌大 阮攏會記得天地的疼惜 繼續共碎糊糊的愛 一塊一塊疊起... 觀看完整文章
黃月春 - 母語日教學 | 2014-12-07 | 人氣:178
厝鳥   暗暝 阮惦惦看著你 用一世人的青春 起一間厝,然後 將愛情囥佇內面 規工惜命命…..   每日透早,日頭出來時陣 就變做一隻厝鳥 Khiā佇厝角直直叫 看會叫出一支翼胳頭仔來無? 予你的愛情飛出去窗外   阮毋是無愛你 只是感情若欲久長 就愛放伊去天頂 佇風中  佇樹欉 自由飛   毋過,你攏感覺阮有一寡仔吵 順手就共窗仔關起來   阮只好逐工啾啾叫 叫甲阮愛情的翼 漸漸變作一枝 焦khok khok的 樹枝……
黃月春 - 母語日教學 | 2014-11-30 | 人氣:134
吱禪   阮共性命所有的氣力 作一下  咻出來 吱,吱,吱-----吱甲 規个熱天  攏總燒起來矣 毋過 ,你佇兜位 ?   阮毋是採花蜂,嘛無 蝴蝶遐邇suí的身段 阮干焦有法度將頂世人 鑽佇塗底,愛的堅持佮寂寞 變作一聲一聲的思念 咻出來 吱,吱,吱-----吱甲 日時雄雄欲翻暗暝    毋過,你佇兜位? 阮愛你的步數 只tshun一招 就是 吱,吱,吱-----   吱甲死為止。
黃月春 - 母語日教學 | 2014-11-16 | 人氣:116
百合花   愛情對兜位去? 一蕊百合花拍開耳空 恬恬在聽 島嶼在喘氣   阮知影 這條溪水流去你的心內 毋過,你敢知影 He是阮 一千年的目屎   春天拄過 無影無跡,是芳味 編織作一領夢 夢中,無半項-----   愛情對兜位去? khiā佇山頂的百合花 是阮gāng-   gāng的目tsiu
黃月春 - 母語日教學 | 2014-11-02 | 人氣:116
吊橋   一粒冷心  沉重 無疑悟 閣予春天裂開 紅紅的傷痕 倒吊佇水底 無講話 這頭  彼頭 阮khiā佇橋中 毋知欲按怎  越頭 愛你  無愛你 一蕊漂浪的桃花 才佇風中躊躇 就予涼涼溪水 沖去茫茫的愛情大海
黃月春 - 母語日教學 | 2014-10-19 | 人氣:122
水雞 暗時,你在睏的時陣 阮就開始起叫,叫著 已經過身去的春天-----   阮知影 你猶原用愛情作枕頭 睏佇花芳的眠床頂 恬恬仔在眠夢,眠夢著 春天,永遠麥走----   但是,春天走了後 阮才有法度叫出聲啊 這是上帝予阮的責罰 註定佮你無緣分?   燒熱的暗暝 一點仔風,就無 阮直直叫,啊!你的沁汗 攏是春天的芳味---- 阮閣直直叫,無小心一个懸聲 煞規个跳入去你的 輕輕的夢中
黃月春 - 母語日教學 | 2014-10-12 | 人氣:172
水影 暗暝,月娘若出來天邊 阮的思念就化作一條溪水 慢慢流去你的窗仔前,唱歌   你趁風當時在透 偷偷仔lìn落一粒目屎 水面沉重,湠開了一層一層的毋甘 甲意愛----   就按呢,你的形影貼印佇阮的心肝 親像月娘  貼印佇水面 遐--邇--倚
黃月春 - 母語日教學 | 2014-10-05 | 人氣:215
山櫻花 欲輸著火仝款 規路的山櫻花 燒著家己的青春 予這座山 雄雄妖嬌美麗起來   若鈴籠的笑容 共睏佇焦葉下跤的春天 搖醒。了後 逐家攏杳杳仔精神矣 一寡露水,一寡白霜 這是天地的光佮芳味   你倒佇阮跤大腿的 恬恬的目tsiu 是欲開的紅花 心內有濟濟 講袂出喙的話   我報你看面前 島嶼上懸的山嶺 你卻講 我目tsiu內面閣有 舊年寒天的雪   啊,舊年寒天的雪 阮鼻頭一陣酸楚 花蕊草葉頂懸的露水 煞淹起來目墘   春天吹來 滿山粉紅的鈴籠仔 閣在響 阮相信 所有欲開的... 觀看完整文章
黃月春 - 母語日教學 | 2014-09-28 | 人氣:141
太平洋   你想阮的時陣,目tsiu 就親像這片開闊的太平洋 茫茫渺渺卻無限的溫暖   逐遍,阮攏忍袂牢 就赤身光體跳入去海中 思念,就敢若一隻漁船 慢慢行去海佮天交接的所在----   阮坐佇海岸 看著海湧一波一波 對遙遠的過去 淹過來----   來來回回的 是我的心情 口允氣吐氣 攏是塊想你   彼時,阮才知 島嶼的母親,是海 海的母親,是天 天的母親,是 愛   按呢,愛情的母親咧?
黃月春 - 母語日教學 | 2014-09-14 | 人氣:267
            陳胤-戀 .歌 踏話頭 秋風吹來,舒爽當中,帶有春天的溫柔佮芳味,這敢是愛情的面容? 躊躇罔躊躇,心內總是漸漸有一寡仔甜甜的滋味,少年時孤單的苦,若親像沓沓仔鑽過時間的牆圍,佇遮得著淡薄仔安慰。這種安慰,一開始予阮稍寡仔驚惶,驚惶內面閣有講袂清楚的ngāi-gio̍h,這敢是逐家所講---的,予人無顧性命死活的愛情咧?阮憨憨向蒼天提問。蒼天恬恬無講話。
黃月春 - 母語日教學 | 2014-06-08 | 人氣:167
阿不倒仔 三個阿不倒仔,坐佇牆頭仔 予風吹佮hián過來、hián過去 卵殼做的阿不倒仔摔落去 摔佮碎碎去 鉛piánn做的阿不倒仔摔落去 摔佮凹凹去 海綿做的阿不倒仔摔落去 喝講:「安啦!無代誌。」 風共伊吹落去溝仔去 食水食飽,沉沉去
黃月春 - 母語日教學 | 2014-06-02 | 人氣:136
阿里巴巴 大賊欲掠阿里巴巴 阿里巴巴走到山洞的門 喝講:「麻仔,緊開門!」 伊就走入去;大賊對入去。 阿里巴巴走到後尾門 喝講:「麻仔,緊開門!」 伊就走出去;大賊對—出—去, 阿里巴巴走到地獄的門, 喝講:「麻仔,開門!」 伊就走入去;大賊嘛對入去。
黃月春 - 母語日教學 | 2014-05-25 | 人氣:277
最後一葉 佇美國,有一片住宅區叫做格林威治村。真濟散赤的畫家蹛佇遐,所以遐變做一個畫家村。有一年冬天,這個村流行肺炎,真濟人病倒,甚至失去性命。 蘇和瓊西攏是青年畫家,兩人合租一間上頂懸樓做畫室,in樓跤蹛一個一直揣無好題畫一幅好圖的老畫家柏曼。 瓊西體質弱得着肺炎,醫生甲蘇講,除非瓊西有真強的意志求生,矣無恐驚會予肺炎奪走性命!瓊西倒佇眠床,規工看對窗仔外phua佇牆壁的花藤,喙一直唸:「花藤頂的葉仔若落了,我嘛會對咧離開。」 蘇看瓊西安呢失志真煩惱,就走去揣老畫家參詳。 這工暗時,風雨足大,瓊西真驚原本落佮tshun一葉的花藤,連最後一葉嘛保袂牢,佳哉!第二工窗仔扑開的時,瓊西看... 觀看完整文章
RSS http://www.yces.chc.edu.tw/w2019/modules/tadnews/rss.php?ncsn=35