許丙丁歌詩--六月茉莉

六月茉莉

六月茉莉真正媠  郎君仔生做伊都真古錐

好花難得成雙對　身邊若無娘仔伊都上克虧

六月茉莉真正香　單身的娘仔伊都守空房

好花也著有人挽　無人那知影啊伊都氣死人

六月茉莉芳透天　單身的娘仔伊都無了時

好花也著合人意　何時那郎君仔伊都在身邊

六月茉莉透暝芳　單身的娘仔伊都做眠夢

好花開了等後冬　娘仔那親情啊伊都何時放

六月茉莉滿山芳　挽花嘛也著伊都惜花欉

親像蝴蝶亂戲弄　採過那一欉仔伊都又一欉

六欉茉莉分六路　這欉若卡媠伊都搬落壺

日時欲挽有人顧　暝時若欲挽啊伊都人看無